Во недела, 17.11.2024, високопреосвештениот митрополит на Михаловце и Кошице г. Георгиј отиде во селото Марковце (Markovce) во округот Михаловце (Michalovce) во Словачка, за да слави заедно со тамошните православни Роми доаѓањето на честичка од светите мошти на новопрославениот светец на нашата Црква, преподобниот и богоносен отец наш Атанасиј од Маруси. Тие мошти се скапоцен подарок од високопреосвештениот митрополит на Кифисија, Маруси и Оропос г. Кирил за Црквата во Михаловце и Кошице во Словачка.
Во парохискиот храм на Успението на Пресвета Богородица во Марковце (каде што на местото за поклонение постојано се чува мала честичка од моштите на св. Регин, епископ скопелоски), Преосвештениот г. Георгиј имаше како сослужители при Бесмртните Тајни на Спасителот неодамна ракоположениот и сега парох на црковната заедница, отец Мартин Халик, и протоѓаконот на светиот храм во Михаловце, отец Вилијам Фенчик.
Да се забележи дека селскиот свештеник, отец Мартин, заедно со својата сопруга веќе неколку години е посветен на духовна и образовна работа со маргинализираните заедници на Ромите во Словачка, и веќе за 5 месеци од нивниот престој во Марковце се гледаат, слава Богу, многу плодови од нивното дејствување. Во олтарот служат неколку момчиња, а во храмот пее бројен детски хор на Ромите.
Осврнувајќи се на личноста на Преподобниот Атанасиј, Преосвештениот Михаловски, меѓу другото, ја истакна неуморната човекољубива служба и духовната радост на светецот, кои, по молитвите на осветениот свештеник од Нератзиотиса, нека ни ги дарува секој ден нашиот Господ.
На крајот, Преосвештениот му посака многу, добри и благословени години на свештеникот на храмот, отец Мартин, бидејќи претходно истото утро му се родило четвртото дете.
Преземено целосно, како што е објавено: Εκκλησία Online, 17 ноември 2024. Оригинален напис или видео →